tong pu papua

Suatu hari dibawah pohon mangga besar, tiga sekawan Albert, Bento dan Codet ada mengobrol tentang kehebatan dorang pasang jerat babi.

Albert: kalo sa pasang jerat dikampung tuh tralama, baru 1 jam saja sa su dapat babi.

Bento: behhhh ko lama sekali, sa di paniai sana, pasang jerat babi 30 menit langsung dapat.

Codet: ko stop. Ko baru 1 jam dan 30 menit saja sombong. Sa diwamena sana, pasang jerat babi tu babi langsung baku angkat dong pu kaki baru bicara “om, saya kah om sayakah yang dapat jerat”.

Albert: Bagaimana ceritanya tuu

Codet: Iyo sa kasih dia umpan babi paling cantik diwamena

Bento: behhhhh. Babi juga tau barang bagus eeeeee

Mama obed: yang terhormat, yang terkasih, mama pu anak yang ganteng apa,,,,,,,, mari mandi baru berangkat ke sekola untuk menuntut ilmu biar jadi presiden.

Obed: adoh mama yang tercantik se RT 001, sa kasih tau, yang mau jadi presiden tu su banyak mama, jadi buat apa sa berangkat ke sekola.

Mama obed: yang terhormat, yang terkasih, mama pu anak yang ganteng apa,,,,,,,, ya kalo tra jadi presiden bisa jadi wakil presiden ka, menteri ka, dokter ka, polisi ka, tentara ka. Biar mama bangga punya anak

Obed: mama, sa kasi tau lagi e wakil presiden ka, menteri ka, dokter ka, polisi ka, tentara ka itu semua su banyak calon baru banyak juga yang belum jadi. Trus gw mau jadi apa?

Mama obed: yang terhormat, yang terkasih, mama pu anak yang ganteng apa,,,,,,,, yo sudah kalo ko tra mau mandi pigi sekola, ko tra usah jadi mama pu anak saja. Karna yang mau jadikan ko pu anak Cuma mama saja trada yg lain.

Obed:  adoh ampun mama, sa mandi sudah mama yang tercantik se Indonesia raya.